انت سميع منير؟

دعوه للتفائل من محمد منير فعلا خارجه من قلبه قلبه الي هو باين من ملامحه انه حزين ,(محمد منير ) الي دماغي مش عارف تترجم الحاله المنيريه ا لي بعشها لكلام .
الاغنيه اسمها( اخرج من البيبان)
اخرج من البيبان الحر الديقه
الكون صابح جميل والدنيا مروقه
بترشرش علي الولاد
علي الحلم فالحارات
رشت علي البيبان
علي الزحمه فالميدان
اترش علي البنات
علي الكحل علي الحاجات
الكوبليه ده من الاغنيه بيحسسني اني عيلتي رايحه المصيف وانا كنت ساقط ومضايق وعايز اعاقب نفسي ومش هااروح معاهم ده طبعا قدامهم لكن انا عايز افضل مع اصحابي عشان نضرب براحتنا وبعدين نرتب رحله واطلع اصيف مع اصحابي وعلي الرغم من اني اسقطت بسبب استهتاري ولامبالاتي الي اني عرفت اقنعهم باني عملت كل الي عليا وهم ياعيني عشان مغلوبين علي امرهم وزهقوا عملو نفسهم مقتنعين
ده ومش بس كده دول بيدوني فرصه تانيه وبيقوليلي( اخرج من البيبان الحر الديقه) معقول فيه ناس كده لا وقال ايه بيغيظوني وبيقولولي (الكون صابح جميل والدنيا مروقه)هههههههههههههه ده ايه الدلع ده كله ياجماعه متنسوش ان انا ساقط وكلنا طبعا عارفين ليه؟؟؟؟؟؟؟؟؟ لا وكمان بيحمسوني عشان اقوم اخد دوري فالرشرشه بينبهوني بصوت واطي فيه خبث برئ(بترشرش علي الولاد علي الحلم فالحارات) يعني لسه فيه شباب طموحه بتنحت فالصخر بتشتغل وبتدرس بتجيب القرش وتصرف علي بيتها وبرضه طالب علم ومتفوق بداية من (طه حسين مرورا بالعقاد ثم محفوظ والرئيس الراحل انور السادات نهاية الي د زويل)
طبعا شجره الجيل ده لسه ماطرحتش ملحوظه: ده كلام اخويا الدكتور الي بيشتغل دكتور فشركة ادويا فدبي وبيحضر دكتوراه.
وبابا حبيبي الموظف المكافح بيقولي (اترشت علي البيبان علي الزحمه فالميدان) انا مش هاتكلم علي الشطره دي دلوقتي لان بابا ريحته عرق من كتر الوقفه فالميدان مع الموظفين وهو بيستني الاتوبيس.
اما اخويا الصغير الصايع الي فالاعداديه الي لس مادخلش جوه البيضه عشان يطلع منها يقولي (اترشت علي البنات) سن المراهقه اوحش حاجه فيه ان الدنيا عباره عن كلمه مؤنثه المزز راشقه فاي موضوع.
اختي بقي مضايقه بنفس الطريقه الي بيضايق بيها الحبيبه لما الدنيا تمطر عشان جه (علي الكحل علي الحاجات).
دي الحاله الي فالكبليه الاول.
الكبليه التاني
خوفك مش قدر
وهروبك مش طريق
قلوعك لو ورق
ماتنجيش غريق
طير زي النسور
من النخل للكافور
غوص جوا البحور
وهات اللؤلؤه
ركز فالكلام هاتلاقيه درس مهم جدا فالحياه بيقولك(خوفك مش قدر)فعلا الخوف اختيار من بين اختيارين يااما تكون شخص شجاع تواجه قدرك وتعرف ان كل مشكله ليها حل لو عندك استعداد تدور عليه او الاختيار التاني انك تخاف وتكون جبان وكده انت الي اختارت وقدرت لنفسك انك تكون خواف الشيطان تبول في افكارك , (وهروبك مش طريق) قلنا ان لكل مشكله حل لو انت عندك استعداد تدود عليه وعلي فكره المشكله دي عباره عن اتنين اخوات واحد صغير والتاني كبير انت اقربلك الصغير الي هو اضعف منك الي تقدر تغلبه ومايغركش صوته العالي او جسمه ماتنساش انه صغير وان سنك وعقلك وخبرتك اقوي من الباور بتاعه ولو سيبته وهربت هاتلاقي اخوه الكبير ومش بعيد يكون جابلك باقي العيله عشان تتعبط علي الفلكه ماهو هو ده ضمير ابله حكمت ياهارب.
تعالو بقي للي جايه دي (قلوعك لو ورق ماتنجيش غريق)ياسيدي :af2 اي ا نسان مسئول كل ما الانسان امن نفسه الي معاه هايكونوا فامان برضه لازم ماتكنش قلوعك ورق لان الغريق ده ممكن يكون صديقك و اخوك او اي حد غالي عليك او حتي ماتسمحش لنفسك انك ماتقدرش تساعد اي محتاج مساعدتك لازم تكون قوي اقوي من اي حزن اقوي من اي حقد اقوي من اي جهل او فقر اقوي من اي ياس او احباط طول مالدنيا بتلف لف معاها بس متسبهاش تضحك عليك وتدوخك وتوقعك وتشيلك وتهبدك وتحط عليك .
(طير زي النسور من النخل للكافور)خلي حريتك فكرامتك وشموخك ماتغيرش الكون بس ماتخليهوش هو يغيرك خليك متشعلق دايما فوق طير من قمه لقمه ومن نجاح لنجاح.
(غوص جوا البحور وهات اللؤلؤه)شوف شوف شوف.شوف الجمال لسه الراجل قايلك طير زي النسور ودلوقت يقولك غوص جوا البحور طبعا انت مش كائن بر مائي خارق بس عايزك تعرف حاجه قاع بحر في منطقه ما هو قمة جبل في منطقه اخري لازم تجيب اللؤلؤه ياسندباد.
دي حدودتي مع الكبليه التاني.
طبعا انا لو كان كلامي مش عاجبكو مااعتقدش انكو هاتكلموا للكبليه التالت.
( كل شيء بيدبل لوحده فالخريف)ليه بقي؟لان فالصيف فيه ناس بتصيف وناس لا وفالشتا فيه ناس بتشتي وناس لا وفالربيع فيه ناس تصحي تشم نسيم وناس تصحي تشم بصل انما فالخريف بنخرف كلنا مش مشكله اختار الفصل الي يعجبك بس اللمهم ماتدبلش ولما خريفك هايجيلك هاتدبل لوحدك وساعتها تكون اضحك عليك وصفر الحكم واابقي قابلني وخد فرافيرو

الي استاذي

الي حبيبي واستاذي /عمر طاهر
اولا كل سنه وانت طيب ثانيا بهنيك علي الرائعه الجديده كتاب ابن عبد الحميد الترزي ثالثا علي الرغم من ان حضرتك استاذ عبقري واانا تلميذ بليد كسلان الا انك جددت فيا امل النجاح,كل نجاح لحضرتك بيديني دافع وحافز نفسي انجح زي حضرتك لان بسم الله ماشاء الله نجاح حضرتك جميل ,ابداعك وعبقريتك فاني كقاريء احس انك بتقول الي جوا جوايا بمنتهي السلاسه وبتبسطه لابسط صوره واتصاحب عليك من خلال كتاباتك واعمالك خلاني اركز فكل شيء بشوفه وبسمعه وبلمسه واحس بيه احول اقصي لحظة ياس لحماس متوهج اكون اكثر الناس واقعيه واكثرهم خيالا اتعلمت ازاي اتكبر علي حزني وعلي اي شيء سئ واتواضع لفرحي ولاي شيء كويس ممكن ينفعني وينفع الناس .
انا كنت محضر كلام تاني خالص غير الي كتبته اول مابدات اكتب فالموضوع سيبت احساسي هو الي يكتب مش اسلوبي او ثقافتي رغم تواضع ثلاثتهم.لاني قريت فالمنتديات تعليق من شباب ماتعرفكش شخصيا وحسيت من كلامهم الرائع عنك انهم اصحابك واحسن تعليق قريته ولفت نظري عن كتاب حضرتك الاخير ابن عبد الحميد الترزي( انك لعبقري ياعمر طاهر).
واخيرا اهديك مدونتي المتواضعه وفائق الاحترام والتقدير والحب.

هلوس عالق فالذاكره

عنكبوت فدماغي كان بيحوم ..... شوفته قلت اسيبه ابص ليه علي عنكبوت ضعيف مشئوم .....اتاري العنكبوت كان جاي عارف اني انسان اهبل غبي مخموم .....انسج ياعم العنكبوت خيوطك وبرطع براحتك وفيها نام وقوم..... العنكبوت طلع فاهم وقاري لجم دماغي كتف افكاري وصوتي العالي بقي ليه سكات مكتوم..... خيوط تحتيها ادفنت حاجات بالكوم وجراح كانت مره عالجها بالسموم..... انا كنت فاكر اني شاب مثقف شديد..... بقرا كتب وبتعلم و كمان بشيل حديد..... شاب حساس طموح دايما بيحلم ببكرا يكون سعيد..... طلعت صيده وساهله لعنكبوت رمروم..... عنكبوت فدماغي كان بيحوم لو كنت لابس شبشب كان زمانه مات مشروم.

شربت حشيش

شربت حشيش انا واصحابي.....الاحساس بقي غير الاول.....اسمع ان الكيف وهم وعادي......وبقيت مش عارف صاحبي طبيعي ولا اتحول.....الحاجات قدامي حركتها بطيئه.....بس الساعه بتجري بسرعه.....الحياه مبقتش خنيقه.....والضحك مبقاش بالقرعه.....والحوارت بقيت كتيره.....لما فتحنا قزازة البيره.....الحياه بمبي وجميله ......ولا انا الي دماغي تقيله......عموما مش فارقه معايا المهم القعده تطول.....شربت حشيش انا واصحابي....الاحساس بقي غير الاول.

انا جاي

انا جاي طيب وجاي منين ورايح فين؟ علي الرغم من ان الكل بيروح وبيجي بغض النظر عن الاماكن بس مجيتي انا مختلفه شويه.ده الي يخلي السؤالين دول اسئله مصيريه فحياتي بسبب بعد المكان الي انا جاي منه وياتري انا هااقدر اوصل للمكان الي انا رايح له ولا لا. انا جاي من (الصعيد الجواني) علي فكره الصعيد الجواني ده كوكب تاني بيمتاز بصفات مايعلم بيها الا ربنا ويتميز الغلاف الجوي بتاعه باحتوائه علي اليئس والاحباط والملل والفشل , تتميز مياهه بان لها لون وطعم ورائحه وطبعا حضارتكم عارفين هي ريحة ايه يتميز مجتمعه بفجوه عظيمه بين شريحتين من الناس شريحه جاهله ومتخلفه ومتحجرة التفكير علي الرغم من انهم واخدين الشهاده الكبيره وطبعا معزورين وشريحه قليله من الناس الي بتفهم وطبعا دول ربنا يلطف بيهم لانهم غير انهم تعبانين فالبيئه دي لا ده دول كمان مجانين وخيالهم واسع وبيضحك عليهم من الناس التانين الي اتكلمنا عنهم طبعا الي بتجيله الفرصه ويهج من المكان ده زي الي كان محكوم عليه بالاعدام وجه محامي زي حسن سبانخ جابله البرائه انا بقي عشت ودرست واتعلمت وكبرت وترعرت فهذا المكان العظيم وعلي فكره المكان ده انجب للبد الكثير من العظماء بس ولا واحد فيهم كان عايش فيه انا بقي وانا فسنه رابعه ابتدائي اكتشفت ان انا بحب الورقه والقلم بس ازاي دا هم دول سبب تعاستي فالفتره دي لو ماعملتش الواجب بضرب وهم السبب لو مطلعتش الاول بضرب وهم السبب طبعا الواجب كان بيبقي كتير اوي لدرجة اني حسيت ان المدرسه بتدينا واجب كتيييير مش علشان نستفيد علشان ايدينا توجعنا ومنقدرش نكمله ونيجي صباح اليوم الدراسي الجديد وتضربنا ياجماعه الكلام ده كان بيحصل فمدرسه خاصه للغات تخيلو المدارس الحكومي كان بيجري فيها ايه نرجع للموضوع من فضلكم قوم انا بقي اتاريني بعرف اكتب كانت الانتفاضه الفلسطينيه فالوقت ده هي كل شغلي الشاغل وكنت فاكر اني اقدر احررها بمقالاتي وابتديت اوزع المقالات دي فالمدرسه علي انها منشورات واعمل مظاهرات وكانت ليله راح الناظر جه وقالي تروح دلوقت وتجيبلي ولي امرك معاك روحت جيبت الحاج فالناظر حكاله وكانت النتيجه ان المدرسه كلها اتفرجت عليا وانا بضرب من الحاج لاني مش مهتم بدراستي ومهتم بالكلام الفاضي ده روحت متجه ع الشعر كتبت قصيده فالوقت ده اسمها ياقدس ياحبيبة السماء بتقول ياقدس ياحبيبة السماء يامدينة الفداء والشهداء ياقدس يامهد للانبياء يامدينة الايباء والولاء ياقدس يامقبرة للابرياء السنتنا لن تكف عن الدعاء من اجليكي ياحبيبة السماء وكان كل الي يقراها يقولي سارقها من مين وهو ده كل الي اهتمو بيه بصراحه ومش شافو ان فيه طفل موهوب لو اهتمينا بيه هايكون حاجه حلوه والله ماساه ياجماعه فضلت اكتب مع نفسي ولنفسي وكان الحاج يدخل الاوضه لو لقي حاجه زي دي تبقي ليله سودا وكانت بتتقطع علشان انا المفروض مش اعمل حاجه غير المذاكره لحد ماكرهت المذاكره ودي نقطه مهمه اوي فتربيتي اثرت تاثير سلبي فحياتي ماعلينا جيت ف2 اعدادي وفرجتهم لمدرس اللغه العربيه الي حسيت انه بيفهم شويه قالي ياابني انت لسه بدري عليك اوي فين القافيه وفين بحور الشعر وفين وفين كلام كبير اوي عليا انا مش ااعرف منه حاجه ماعلينا قلت لنفسي ماتنفض للشعر يامعلم واكتب اغاني لاحد هايقولك قافيه ولا وزن ولا بحر ولا نهر وكتبت اغاني وغلطت غلطه مره وكتبت قصه كانت نكته مدرسين اللغه العربيه فالمدرسه الاعدادي بتاعتي لمدة ترم كامل من الدراسه برضه مايئستش ابتديت من اول اولي سنوي اكتب اغاني حسيت انها كويسه واحسن كتير من كلام اوي بيتقال كتبت مجموعه مش بطاله وفثانوي اكتشف استاذ عبد الحافظ بخيت مدرس اول لغه عربيه بالمدرسه ومشرف النشاط المسرحي ان انا امتلك موهبه تمثيليه عبقريه وعملنا مسرحيه ونجحت واخدت مركز اول علي مستوي الاداره التعليميه بحالها وتقريبا احنا مكانش لينا منافسين استاذي العزيز حسسني ان انا وقفت فبير سلم الشهره والمجد عشمني بالحلق خرمت انا وداني وانتو عارفين الباقي, ده باختصار اجابة السؤال الاول انا جاي منين . اجابة السؤال التاني بقي انا رايح فين مختصره شويه لاني لسه ماروحتش. انا عايز اروح المكان الي الموهوب فيه بيلاقي نفسها اروح لحد يقدرني يهتم بيا يحسسني ان فيه امل انا عارف اني بذره محتاجه تتزرع فتربه خصبه وتتسقي وتتعرض لضوء الشمس علشان تطرح , انا بقي عايز اروح للمهندس الزراعي الي عارف الكلام ده زيي علشان انا بجد نفسي اطرح , نفسي اكون حد ناجح فحياته نفسي افكاري توصل للناس او للشباب تحديدا لان انا صعبان عليا حالنا احنا الشباب بس فعلا غصب عننا الظروف بتعجز اي حركه وتهمد اي نشاط واي حد بيتحداها بتكسره وقليلين اوي الي عودهم ناشف ويقدرو يستحملو انا بقي نفسي بجد الشباب كلها يبقي عودها ناشف ولا انتو ليكم راي تاني؟.