كتر الكلام تاهت المعاني
يطول الزمان والعمر فاني
وقلبي الي مات بيصحي تاني
وقطر الحياه كان قدامي
ماشاورتلوش قام عداني
وياريته كان استناني
كــــــــــــــان زمانــــــــــــي
هربت فيه من احزاني
اتمنيت القرب فسري مع اني مطلبتوش
طلبوه فجاه مني الي ماقربوش
قربت ندمت اني مقربتش من زمان
قربنا اتاريتا بنبعد اكتر مماكان
بعدنا اتارينا بنوصل تاني لنفس المكان
اصل احنا كنا اساسا قرايب بعض وجيران
اتاري الارواح بتتلاقي بعد الجسد بكتير
لقي الاجساد مبيكونش ليه اوان
ولقي الارواح محسوب بالثواني
وكتر الكلام تاهت المعاني
يطول الزمان والعمر فاني
المعني خلاني اعدي اي حدود
وانا جوا اوضه مقفوله زي التابوت
المعني تلقاه فاخلاص حد ماتخلصلوش
وتتمني تخلصله تلاقيه فثانيه يموت
المعني تستني تدوق طعم الحنان
تلاقي نفسك خلاص علي وشك الجنان
الي بيحنلك دلوقت كان قاسي ليه زمان
ولسه ماعرفتش مين جابني ومين وداني
كتر الكلام تاهت المعاني
يطول الزمان والعمر فاني
الاشتراك في:
تعليقات الرسالة (Atom)
ليست هناك تعليقات:
إرسال تعليق