وانا فابتدائي كنت فكامل غبائي
ودرست الانتماء فكتاب القراءه
وانا فابتدائي كنت فكامل غبائي
وحفظت الدرس بحب وبرائه
وانا فابتدائي مكنتش داري
ان الانتماء ابن عم الولاء
وعشان تكون سباق محتاج للجرائه
سالت وياريتني ماعرفت الاجابه
اتاري فبلدنا قمة الذكاء
تحاول وتتعلم تكون حلاق
لان البلد صالون كبير للحلاقه
ولقيت استاذي غمزني وبالمسئوليه حسسني
قالي يابني الدرس للحفظ مش للفهم
ودرجتي فالامتحان هي الغرض من العلم
وشاور بصباعه علي دماغه وقالي
ده درس تاني اهم
اسمه ياغبي درس الحدائه
الوطنيه مابتاكلش عيش
واحنا العيش مش لاقيينه
في ناس بتنام علي خيش
وانت بتفطر عيش فينه
هو احنا ادينا دروس من شويه
روح يابني يقطع الغلا وسنينه
استهدا بالله وفكر فالشهاده
وانا فابتدائي كنت فكامل غبائي
ودرست الانتماء فكتاب القراء
هولما كبرت وظهر النت
العالم اصبح قريه صغيره
فتحت الخريطه بصيت وشوفت
لقيت العالم العربي هو الحظيره
حتة بلد ماجبتش ولد
بت امبارح ولعبت بينا الكوره
وسمعت جاري بيدعي بجلد
يارب اسرائيل تجيها غوره
وزعيم فالتلفزيون زي الاسد
بيشتم اسرائيل بانها حقيره
وعيال ماسكين فايديهم زلط
ابريا لا ليهم سند ولا حيله
وام من كتر العياط اتعمت
استشهد جوزها وابنها الحيله
وسفير اسرائيلي من بلاد غريبه انطرد
وحكامنا بمنتهي العبط
استحلوا فالنوم التشخيره
دخلوا فغيبوة السلام والمرض
وكفايا كده عشان المعتقل زوار كتيره
اصل ماسك نفسي بالعافيه عن البزائه
وانا فابتدائي كنت فكامل غبائي
ودرست الانتماء فكتاب القرائه
ليست هناك تعليقات:
إرسال تعليق